صحى من النوم بص فى المراية...بس مشافش نفسه
جرى على مراية الحمام...بس برضو مشافش نفسه
حط ايده على وشه عشان يتأكد ان ملامحه موجودة..ولاقاها كلها فى مكانها
بس برضو مش شايف نفسه فى ولا مراية
سأل نفسه..أنا ميت ولا ملعون ولا مصاص دم ؟؟!!
بس ملقاش إجابة..
تليفونه بيرن..راح يرد و اللى متصل مش سامعه
و يزعق و يهلل و بردو مش سامعه..صوته بيرجعله زى الصدى
خاف و قفل السكة بسرعة
التليفون رن تانى...خاف يرد
جرس الباب رن..أكيد البواب مطلعله الجرايد
راح يفتحله..بس الراجل برضو مشالش ايده من ع الجرس
مش شايف صاحبنا !!..يا عم انت مش شايفنى ؟؟!!
طب صباح الخير..طب هات الجرايد !!
بس و الله انا فتحتله !!
جرى تانى ع المرايه..
و سكت و سأل نفسه..أنا ميت ولا فى حلم ؟؟..أنا كنت هناك بهتف و بنادى..انهاردة أنا فين ؟؟
راح لكتابه اللى فى مكانه ع التربيزة زى ما سابه امبارح قبل ما ينام
طب يكمل قرايه فيه و هو برضو لسه مش شايف نفسه فى المرايه ؟؟؟!!
قال يمكن الاقى نفسى كاتب حاجة و ناسى..يمكن افه ليه مش شايفنى
بس خاف يمسكه..رماه من ايده
بس الكتاب متحركش من مكانه اللى ع التربيزة..
قرر يدخل ينام تانى..يمكن يطلع حلم
او لما يصحى يلاقى المشكلة فى المراية و الباب و البواب و الكتاب...أو يمكن !!
رااائعه الفكره
ردحذفتحياتي ليكي دومتي بخير يا هاجر :))
شكرا انغام..اتمنى تكون عجبتك :)
حذف